Natale

0
57

Natale

 

Natale, seh,

Natale,

Chiste tra miscredente

E turcomanne

Hannu deciso

Ca Natale è muorto.

Natale

era ‘na vota, ogge,

invece, addò sta cchiù

Natale?

Natale d’’a famiglia

e d’’e criature.

Natale

quanno ognuno ‘e nuie

riturnava criature

n’ata vota,

s’arricurdava d’essere

crestiano

e cercava ancora

‘e vulè bene,

almeno pe’ nu poco.

Natale d’ ‘o presepio

Natale d’’a famiglia.

Tutte ‘nsieme

‘a messa ‘e mezanotte,

‘a prucessione

ca purtava

‘o bambino dint’ ‘a grotta.

‘A tombola

cu ‘e cicere, ‘e fasule

o ‘e scorze ‘e mandarine.

Ogge invece

tutto s’è cagnato,

s’è arrevutato ‘o munno

sotto e ‘ncoppa.

Gesù Cristo

dinto ‘a grotta,

o ‘ncoppa ‘a crocia,

pare ca dà fastidio,

offende.

A chi?

A tutte chille

ca nun so’ crestiane.

A chille ca ‘a casa lloro

nc’appicceno ‘e chiesie

e accideno ‘e crestiane.

E nuie?

Nuie nc’hanno ditto,

simme evolute

avimma essere moderne.

E ‘o presepio

Nun se fà

nemmanco dinto ‘e scole.

E vuò vedè

Ca a poco a poco

nc’avessema mettere scuorno

pure d’essere crestiane?

È addivintata ‘na colpa

‘na cosa

‘a se tenè annascuso.

E chesto dinto a nu munno

Addò l’unica cosa

Ca conta so’ ‘e denare.

E stu munno se dichiara

civile!

Stu munno addò,

a poco a poco

vonno c’addivintamme

tanta bestie:

senz’anema, né core

senza rispetto e senza ammore.

Bestie ca s’addenocchiano

Sulamente annanze

al Dio Denaro.

È chesta ‘a civiltà?

A chistu punto

nce simmo ridotte?

Chesta nun è civiltà,

chesta è pazzia.

Faciteme ‘o piacere!

Nuie vulimme Natale

n’ata vota.

Vulimme essere ancora

chello ca simme, da sempe.

Lassate stà Natale.

Natale simmo nuie,

viva Natale.

Riturnammo all’antico

Si essere moderne

vo’ dicere nun tenè cchiù

sentimente, rispetto o religione.

A nuie nce piace ancora

dicere a tutte quante

Buon Natale!

Buon Natale e te siente

‘na gioia dinto ‘o core.

Proprio comme

A quando ire guaglione.

Buon Natale!

 

 

 

 

Foto Pixbay License

LASCIA UN COMMENTO

Per favore inserisci il tuo commento!
Per favore inserisci il tuo nome qui